ولكن …

Toni Hadad
مع المقاومة ولكن ..
…………………….
بعض رفاقنا اليساريين..عفواً “رفاقنا” بين قوسين يعني كل مرة بيخبرونا بوداعة “الش…” مايلي:
نحن مع المقاومة قلباً وقالباً لكن ضد تدخل حزب الله بسورية..!

ياعين عالعبقرية..
أنو حزب الله من وين بيجيب سلاحه؟
حزب الله مابيلعب حرب على “البلاي ستيشن” متل “محسوبكن” سعدو الحريري..
حزب الله عندو سلاح عن حق وحقيق وحقيقة وقد اطلق آلاف الصواريخ في حرب تموز ويحتاج لاعادة “تذخير”..
المعبر الوحيد لسلاح حزب الله هو سورية..وبلا سلاح مافي مقاومة , فكيف يارفاق انتو مع المقاومة اذا المقاومة مابتقدر تجيب سلاح الاّ عبر سورية أو بتصنيع سوري؟
المعبر الوحيد لسلاح المقاومة هو عبر جبال القلمون السورية و”يبرود” وعشان هيك استقتلت “اسرائيل” بمعركة القلمون وخسارة عملائها للقلمون كان صفعة على وجه الصهاينة توازي صفعة انتصار المقاومة على الكيان الغاصب في تموز 2006..
أنو يا”رفاق” انتوا مع المقاومة لكن برأيكن ياحلوين حزب الله بيدخّل سلاحو الى لبنان عن طريق “المصنع” مثلاً وبتوقف الصواريخ بالصف على حاجز تفتيش الأمن العام اللبناني حتى يُسمح لها بالدخول؟
طبيعي حزب الله يروح يدافع عن “رئته” التي تمدّ المقاومة بالأوكسجين..
أنو بلا زعبرة يا”رفاق” ..
حرب حزب الله في سورية هي من اجل المقاومة وللأسباب التي ذكرتها اعلاه..
وهلق فكروا فيها..
امّا انتم مع المقاومة كما تقولون وبالتالي -وبالتداعي المنطقي- مع “تدخّل” حزب الله في سورية لتأمين طريق سلاح المقاومة, أو أنتم متل ماقال المتل :
“متل يللي بدا “توووت” وخايفة من الحبَل..!