الباقة الإعلامية بنت جبيل عروس الجليل موقع بنت جبيلي أصيل همه البلدة وشؤون أبنائها
حكموا بلدنا الزعران
بو سمرا وبولس وبو ياسين
ومسائيل بأمرو لل ‘man’
قائد ثوري من حطين
بُعث بآخر هالزمان
الزير يشيلو والتنين
بضربة يقتل ثعبان
ع شعبو عامل لينين
ماشي وضعو هالإنسان
من العمر مرقو سنين
والقائد بعدو بعنفوان
بدل الرينو ليموزين
واولادو صاروا أسبان
شتويتو بسان مارتين
وصيفو ع شواطي لوزان
غير ريشو والبرينطين
وكلامو بعدو كما كان
مناصرة الشعب المسكين
ودحر الغازي والعدوان
اما الشعب الله يعين
من القهر عايش الوان
كهربا ومي وڤلڤولين
مدارس وهاتف رنان
وبعدو معتر ومسكين
قَتّالو صمام أمان
حارق دينو بالتقنين
لا بيشكي ولا بيقول أمان
هيكي نحنا مشغولين
مين سب ومين شتم بو فلان
نسينا الشرع وأمر الدين
لغير الله ما يركع إنسان!
نضال
