ع قولة ستي

شوية امثال من ستي !!!

1 – يلي مالو بنات … ماحدا بيعرف إمتى مات

3 – يلي حظها قوي بتجيب البنت قبل الصبي

4 – البنت هدية … والصبي بلية

5 – الحياة بدون أخت متل الطريق بلا زفت

7 – عشر أصهرة ع باب داري ولا كنة تكشف أسراري

8 – خود المعجعجة وضمها وخلي السنكوحة لامها

12 – يلي بدها يسعدها زمانها … تجيب بناتها قبل صبيانها

14 – لو ما كان الطول مهیوب … ما اخترعو للقصيرة كعوب

15 – دللي كنتك واكسبي ودها لانو إذا نوت عالشر ما حدا بردها

17 – سودة والخدم حواليها وبيضا وكل الشغل عليها

18 – قصي من لسانك وزيدي ع التنورة … منو بتدفي سيقانك ومنو بتضلي مستورة

19. خدوالبنات من صدور العمات

20 – خود التخينة وأوعى تخاف … منها مخدة ومنها لحاف

21 – ابن الأصل لو طعميتوا خبز حاف … بيصون وقليل الأصل لو طعميتوا لحم الكتاف بيخون

22 – فكرناهن رخصوا … طلعو ببلاش

23 – بنت الأصل بتخلي كوخها قصر

24 – دنيا ما عليها عتب … فيها المصدي وفيها الذهب

شوية أمثال جديدة من ستي

١– بنت الحماة مثل عود القرفة

بتسّد عن الحماة و السلفة

٢–الحقد عند الخسيس وراثة والسم جواته مكبوت ، من كتر ما جواته خباثة لو بلع ريقه بيموت

٣- شفتك مزين حسبتك اخيار الناس

و اتاريك دقة مجيدة والمجيدة نحاس

٤- لا يغرك طولها ولا بياض غدفتها

الطول طول النخلة والعقل فايتها

٥- حسدوها على جوزها و على

ذوقو قالتلهن ريتو ملح و كلّ الناس تدوقو

٦- كلو ماشي بألف وشّ و القلوب

مليانة غشّ

٧- الدّواعي سَواعي إن ما أجت في

البني ادمين بتيجي بالأواعي

٨- لا تشد الوعد وحبالك رخية

ولا تدق الصدر وضلوعك ردية

٩- إللي بدو يعاشر الأرواح

ما بدو يكون نوّاح

١٠- الشدة لما إشتدت بزيادة

فضحت اللي قالوا رقبتنا سدادة

—

شوية أمثال على الموضة من ستي

١_ يا مدور على عيوب غيرك صلّح عيوبك وكتر الله خيرك

٢–بعمرو الخاتم ما بصير خلخال وبعمرو المال ما بعّلي انذال

٣- يلّي بيشتري زعلك وانت غلطان اشتريه بعمرك وانت الكسبان

٤- يلّي مفكرين بعدكم ما فينا نعيش تبقوا غيّروا نوع الحشيش

٥- في ناس القرب منهم إضافة وفي ناس البعد عنهم نضافة

٦- اتفقت الصرماية والقبقاب و صاروا عند العتبة اصحاب

٧- الدّواعي سَواعي إن ما أجت في البني ادمين بتيجي بالأواعي

٨- لا تشد الوعد وحبالك رخية

ولا تدق الصدر وضلوعك ردية

٩-لاتلوم الريح إذا حبيبك ورق

١٠- المتعود عالرخيص مابيعرف

يصون الغالي