مسيكون بالخير
لبارحة سمعت تصريح الكاردينال الراعي عن انو العملاء الي هربوا عا اسرائيل الله يهدها انو هولي مش عملا وبئول كمين انو لازم يصير مصالحة بالجنوب متل مصالحة الجبيل
وئامت ئيامتكون عليه
فيني افهم كيفتي هالهجوم عالبطرك ؟
روئو عالرجيل شوي ، ابصرش هالحكي
الزلمي ابيعرفش شو كان يصير باهل الجنوب
ابينلمش ، لانو كين عايش بمنطئة اخصهاش بالاحتليل ولا ذائت طعم المرار
ما وئفش ولا مرة عا معبر بيت ياحون وما شفش الجلبوط كيف كين يذل النيس
ما انسحبش من بيتو بنص الليل عالساحة وانظرب وتبهدل
ما حديش اغتصب بنتو او اختو
ما تعلئيش على عامود الكهربي بسجن الخيام وتعذب حتى الموت
ما كنش يفيق بنص الليل عاصوت الدب الي كانو هالعملا يقصفونا فيه
ما دفعش خوة لعميل حتى ما يكف بلاه عنو
غبطك ما متلكش حدا قريب او رفيق او خي
على ايدين هالزعران
و و و اذا بدي خبرك ابنخلصش
الي مستغربو منك يا خضرة الغبطة انك دارس حئوئ وبتعرف بالئانون منيح
المادة الي بتحكي عن عقوبة خيانة الوطن شو عئوبتها دخليك ؟
اه صحيح ، اتواخذنيش نسيت انو بالنسبه الك هذول مش خونة
بس برضو ابلومكش ، لانو عنا مثل بيئول :
الي عم ياكل عصي مش متل الي عم بيعدها
ونحنا الي اكلنا العصى لحد ما كسرنا ايد الياهودي وعملائو
لهيك افيناش نسامح ولا ننسى
هولي خونة مش ضحايا يا حضرة الغبطة
